2011年6月30日 星期四

這刻的心情很糟...


一如以往,我仍然認為最危險的地方是最安全!
地球,每秒在轉;人,每刻在變
莫名奇妙的 depressed....
再次以工作麻醉自己....
腦海裡不停旋轉著很多歌詞....


其實我很煩腦 只是你看不到
*   *   *   *   *   *   *   *   *   *   *   *   *   *   *  
然而回頭 誠實去自問
我可討厭到 如此乞你憎


2011年5月7日 星期六

想跟你說...

其實...
我地識左已經有差唔多三年...對嗎?
但真真正正相處過既日子有幾多? 回想起當初相識既日子....我還記得人生中第一樽保濟丸....
第一次食飯既地方....坐既位置.......第一個由你煮俾我而唔係我整俾你既 Lunch Box.....
好多好多野係呢一刻不停係我個腦裡面出現...

三年前我曾經講過:「我信上天會安排...」
我好記得我講過.....但我冇諗過三年後既今日你會同我講返呢句話.....
我曾經問自己.....點解唔可以讓所有野都好 simply 咁發生?
難道兜兜轉轉才會令事情變得難忘,關係變得珍貴?
之前事情發生成咁係因為一個原因......
而家事情發生成咁又係另一個原因.......
我好想再件事弄得清清楚楚...雖然我無能為力....但我唔想做一些不正確的....
我知這一點你明白,所以我也不用多說了....

在此只想跟你說:好好珍惜你現在擁有的....無論是人...或是物....是誰也好...是甚麼也好....
沒有人會知道明天會發生甚麼事...可能好似做戲咁....人生就係咁兒戲.....whatever

我敢係度寫我呢堆心底話....其實係因為我覺得你唔會黎呢度睇我寫既野....
我果種有咩都放係心入面既性格....你應該都唔陌生
 
怎樣也好.....無論你睇到又好...睇唔到都好.......無悔。



2011年5月6日 星期五

Exam is OVER!! 考試過後也要努力 --> 賺錢 + 急救皮膚


唔經唔覺就過左 9個月,Semester 1 閃電般完了,眨下眼連 Semester 2 都完埋.....
呢9個月黎.....係咁忙係咁忙.....日日訓得 2~3粒鐘...
究竟係中大忙,還是讀 BBA 先咁忙?
而我係呢一年裡面究竟有咩得著? 
除左「渾渾噩噩」四個字之外,我都諗唔到有咩可以用黎形容...... =  =
身體就當然愈黎愈差....新陳代謝無啦無啦 > <;  搞到愈黎愈肥....唉!
身型變晒,但又冇 motivation 晚晚做返瑜伽 ....
Anyways, 考試總算完結! 過左去既都唔應該再諗啦!
暫時就休息兩星期,然後再戰暑 sem!
仲要為左黎緊既 Ocamp 努力賺錢.......可惜人口普查無 Offer! : (
考試過後,無牽無掛 ,係時候對自己好 d 喇!
首先要急救皮膚!努力努力!








2011年3月15日 星期二

最近我中左「豆腐花」毒 ! 每日唔食過豆腐花都唔安樂.....

話說我都有好多年冇食便利裝既豆腐花...
有一晚係中大既聯合書院 canteen 傾 Pro,由於之後又要趕住去 Seminar 冇時間食 dinner,所以離開既時候就手快快拿拿臨買左個山水豆腐花邊行邊食...
久違了的味道竟然俾我記憶中的更加有驚喜!!
果次之後我就去超市買山水 or 百福既盒仔裝豆腐花食
最近睇食療書提到每朝早食適量黑豆有助排毒,於是我將黑豆煮熟,入盒放入雪櫃貯存,每朝加3湯匙與豆腐花一併放入微波爐叮熱,由於黑豆性寒,我本身都係寒底,所以有時都會加薑碎幫助驅寒,早上起來黎一碗熱辣辣既豆腐花簡直無得彈!另外呢....聽講黑豆 + 豆腐同吃,排毒去水腫的效果會更佳 tim 呢!




黑豆的功效:養陰補氣,活血利水,去風解毒。
  • 黑豆是高蛋白食品,蛋白質含量是牛奶的十二倍。
  • 不含膽固醇,
  • 19%是油脂,主要是不飽和脂肪酸,有降低血中膽固醇的作用。
  • 皂苷有抑制脂肪吸收並促進其分解的作用,因而預防肥胖和動脈硬化。
  • 所含卵磷脂可以健腦益智,防止大腦老化。
  • 含有的豐富維生素E可以延續青春活力,
  • 粗纖維素可以促進腸蠕動而通便,
所以黑豆自古以來就被視為極重要養生保健食品。李時珍在《本草綱目》提到豆有五色,各治五臟,惟黑豆屬水性寒,為腎之穀,入腎功多,故能治水,消脹,下氣,治風熱而活血解毒,所謂同氣相求也。又有人因為近代藥理研究結論,所以有人認為黑豆也有養陰補氣,可作為強壯滋補藥。但是唐朝孫思邈孫真人也說少食醒脾,多食損脾也。在千金翼方中指出久服令人身重。所以本草匯言也說性利而質堅滑,多食令人腹脹而利下矣。  


 [Source: internet]