這刻的心情很糟．．．

一如以往，我仍然認為最危險的地方是最安全！

地球，每秒在轉；人，每刻在變

莫名奇妙的 depressed....
再次以工作麻醉自己....

腦海裡不停旋轉著很多歌詞....

其實我很煩腦 只是你看不到

*   *   *   *   *   *   *   *   *   *   *   *   *   *   *   * 

然而回頭　誠實去自問
我可討厭到　如此乞你憎

想跟你說．．．

其實...

我地識左已經有差唔多三年...對嗎？

但真真正正相處過既日子有幾多？ 回想起當初相識既日子....我還記得人生中第一樽保濟丸....
第一次食飯既地方....坐既位置.......第一個由你煮俾我而唔係我整俾你既 Lunch Box.....
好多好多野係呢一刻不停係我個腦裡面出現...

三年前我曾經講過：「我信上天會安排...」
我好記得我講過.....但我冇諗過三年後既今日你會同我講返呢句話.....
我曾經問自己.....點解唔可以讓所有野都好 simply 咁發生？
難道兜兜轉轉才會令事情變得難忘，關係變得珍貴？
之前事情發生成咁係因為一個原因......
而家事情發生成咁又係另一個原因.......
我好想再件事弄得清清楚楚...雖然我無能為力....但我唔想做一些不正確的....
我知這一點你明白，所以我也不用多說了....

在此只想跟你說：好好珍惜你現在擁有的....無論是人...或是物....是誰也好...是甚麼也好....
沒有人會知道明天會發生甚麼事...可能好似做戲咁....人生就係咁兒戲.....whatever

我敢係度寫我呢堆心底話....其實係因為我覺得你唔會黎呢度睇我寫既野....
我果種有咩都放係心入面既性格....你應該都唔陌生 
怎樣也好.....無論你睇到又好...睇唔到都好.......無悔。

Exam is OVER!! 考試過後也要努力 --> 賺錢 + 急救皮膚

唔經唔覺就過左 ９個月，Semester 1 閃電般完了，眨下眼連 Semester 2 都完埋.....

呢９個月黎.....係咁忙係咁忙.....日日訓得 ２~３粒鐘...

究竟係中大忙，還是讀 BBA 先咁忙？

而我係呢一年裡面究竟有咩得著？ 

除左「渾渾噩噩」四個字之外，我都諗唔到有咩可以用黎形容...... =  =

身體就當然愈黎愈差....新陳代謝無啦無啦 > <;  搞到愈黎愈肥....唉！
身型變晒，但又冇 motivation 晚晚做返瑜伽 ....

Anyways, 考試總算完結！ 過左去既都唔應該再諗啦！

暫時就休息兩星期，然後再戰暑 ｓｅｍ！

仲要為左黎緊既 Ocamp 努力賺錢.......可惜人口普查無 Offer！ : (

考試過後，無牽無掛 ，係時候對自己好 ｄ 喇！

首先要急救皮膚！努力努力！

最近我中左「豆腐花」毒 ! 每日唔食過豆腐花都唔安樂.....

話說我都有好多年冇食便利裝既豆腐花...

有一晚係中大既聯合書院 canteen 傾 Pro，由於之後又要趕住去 Seminar 冇時間食 dinner，所以離開既時候就手快快拿拿臨買左個山水豆腐花邊行邊食...

久違了的味道竟然俾我記憶中的更加有驚喜!!

果次之後我就去超市買山水 or 百福既盒仔裝豆腐花食

最近睇食療書提到每朝早食適量黑豆有助排毒，於是我將黑豆煮熟，入盒放入雪櫃貯存，每朝加３湯匙與豆腐花一併放入微波爐叮熱，由於黑豆性寒，我本身都係寒底，所以有時都會加薑碎幫助驅寒，早上起來黎一碗熱辣辣既豆腐花簡直無得彈！另外呢....聽講黑豆 + 豆腐同吃，排毒去水腫的效果會更佳 tim 呢！

黑豆的功效：養陰補氣，活血利水，去風解毒。

• 黑豆是高蛋白食品，蛋白質含量是牛奶的十二倍。
• 不含膽固醇，
• 19%是油脂，主要是不飽和脂肪酸，有降低血中膽固醇的作用。
• 皂苷有抑制脂肪吸收並促進其分解的作用，因而預防肥胖和動脈硬化。
• 所含卵磷脂可以健腦益智，防止大腦老化。
• 含有的豐富維生素E可以延續青春活力，
• 粗纖維素可以促進腸蠕動而通便，

所以黑豆自古以來就被視為極重要養生保健食品。李時珍在《本草綱目》提到豆有五色，各治五臟，惟黑豆屬水性寒，為腎之穀，入腎功多，故能治水，消脹，下氣，治風熱而活血解毒，所謂同氣相求也。又有人因為近代藥理研究結論，所以有人認為黑豆也有養陰補氣，可作為強壯滋補藥。但是唐朝孫思邈孫真人也說少食醒脾，多食損脾也。在千金翼方中指出久服令人身重。所以本草匯言也說性利而質堅滑，多食令人腹脹而利下矣。  

 [Source: internet] 

Red Earth新代言人．我的Model 舊同學 --- Juliana Forge

我的天呀！終於終於都完左 1st Semester，深深感受到香港既教育制度係有幾變態咖！

由９月開學開始，每一日都係為 Assignment、Project、Presentation、Quiz、Test、Exam 而活....

每逢有人問：「我地幾時可以食餐飯呀？」

我地呢 D 忙到訓都冇時間既BBA學生就會話：「等等！等我睇睇 Schedule 洗唔洗傾 Project 先！」

以前從來都未試過為讀書而連續２個月每晚訓得最多 ３~４粒鐘....

搞到健康差晒...皮膚差晒...最大鑊就係夜訓又多用腦...所以呢幾個月重左 多過10lbs

一如以往，我每次考試都會病，要溫書又唔可以食眼訓既感冒藥....

病左咁耐...尋日終於考完 Final exam，去左睇中醫。

點知醫師冇見我半年，第一句就竟然係：你食左好多野呀？

我都知我肥左好多...... /^\ 唉！都唔知點算....

係咁二放兩星期，2nd Sem 又快要開始......Schedule 冇 empty space 既日子又將要回來...

Anyways, 玩埋個 Christmas 先算！

---------------------------------------------------------

 早前經過 SaSa 無意中見到 Red Earth 架上既廣告，點解咁熟面口咖呢？ 諗真 D 原來係我在 Melbourne 讀書果時既同班同學 — Juliana Forge！

認識 Juliana果時已經覺得佢好靚，聽講佢細細個已經開始做 model ，
估唔到會係香港都見到佢既相！ :D

隨即我就睇中左 Red Earth 既幾樣 product....不過要慳錢，所以最後就淨係買左兩樣....
e+ 就睇下我有咩好介紹啦！

第一樣

red earth 完美遮瑕組合 - NUDE 

原價：$135

內附一張 instruction 講解工具用途同埋點樣用利用唔同顏色做出唔同既遮瑕作用，例如用來遮黑眼圈或皮膚紅印位置，非常清楚。

用左效果都唔錯，但因為我太懶，所以買左直到而家都只係用過一次.....

*    *    *    *    *    *    *

 另一樣就係......登 !登! 登 !登！ Party必備珠光系列既 Red Earth 珍珠明亮蜜粉

原價：$135

但我買既時候有 Discount，$55 咋!

閃閃地真係好鍾意佢呀!! 今個 Christmas 去 Parties 可以用啦!! ^^

---------------------------------------------

品牌 background

Red Earth --- 源自澳洲，創立於1989年，很快以出色的風格和優質的產品，發展成為一個以色彩作主導的國際時尚彩妝品牌。本著無盡的創意及其彩妝哲學「Premium Beauty Made Easy」， Red Earth以物超所值的價格，為顧客提供更優質、專業及時尚的產品，令每位女士毋需付出高昂的代價便可輕鬆享受彩妝所帶來的美感和樂趣。

時至今日，Red Earth 已在歐洲、中東、北美洲及中國等地超過25個國家設有逾1,000個銷售地點。Red Earth 與莎莎建立夥伴關係後，將致力拓展亞洲區內的化妝品市場。

姊妹們要買佢地既產品就唔洗再左搵右搵啦!!  ：)

忙得不行了....

救命......真係忙到無朋友！

由 9 月開學到而家都未好好咁訓過甜蜜既一覺....

每日都為翌日 deadline 的 assignment / project / presentation / quiz / test 而努力...
剛剛呈上昨晚的心血又收到另一份厭惡的文章...
誰說大學生活不忙碌？請你站出來!!

究竟係我忙....還是 BBA 就是忙？ 為何不認識 BBA 這個 Faculty 的人只會說：「你...BBA 咋喎！有幾忙呀！」

我要為自己平反！BBA 真係好忙....每晚只睡 3 hours 的生活已經過了1 month, 就快又 Final Exam 啦!!





究竟仲要忙到幾時呀.... : (

相信 "無助期”已經過去，期望前面要走的路會更豐盛 !

新學年已經開始了兩星期多，終於要徹徹底底地放棄返回英國升讀 University of Exeter 的機會。

做大學生難，做中大學生更難，做中大走讀生更加難！

每晚想起朝早要早起出門 --> 步行至地鐵站 --> 搭地鐵 --> 搭火車 --> 迫校巴 --> 上堂上堂上堂 --> 迫校巴 --> 搭火車 --> 搭地鐵 --> 步行歸家，每次望見那編排得滿滿的 timetable，我都感覺返學係一種折磨......

尤其是上堂方式的轉變，遙遠的返學路程，不穩定的天氣，加上樣樣皆能的學生，更令我自愧不如！多年來，英文沒有進步，中文亦不斷退步，相信我是 non-Jupas 之中最差的一個！

沒有去大O 細O, 亦沒有宿舍生活, 我覺得要投入大學生活真係好難。

唯有希望這個過渡期快些完結啦....

試用．CLINIQUE Lash Power Volumizing Mascara

平日經常化眼妝，很怕多用睫毛夾會把睫毛弄傷，用眼部卸妝液時又會有睫毛甩掉的情況出現，感覺上睫毛已經變得非常脆弱。在此要先多謝 ELLE 及 Clinique 給我試用 CLINIQUE Lash Power Volumizing Mascara (CLINIQUE 魔法濃密睫毛液) 的機會，讓我可以有機會嘗試一下放心地化眼妝而不用擔心睫毛受到損害。

這支 Mascara 主打獨一無二的 4D 細緻掃頭，呈「尖塔」形狀的刷頭讓眼頭及眼尾的短小睫毛也能沾上液毛液，用後睫毛不會纏結，不用綱梳把睫毛梳開已能做到睫毛即時濃密纖長，豐盈綻放的效果，就像貼了假眼睫毛一樣，輕輕一刷，睫毛液就已包裹著每棵睫毛，用後多個小時不補妝也能維持睫毛捲曲，方便又易用，朋友仔看到我的睫毛也問我用的是哪個牌子的 Mascara 呢！: )

對我來說，最重要的就是它能夠 24 小時持久防水，因為平時帶隱形眼鏡會很容易眼睛乾澀，為了要避免眼藥水把睫毛液化開，變為熊貓眼，我怎樣也不敢滴眼藥水，最後因眼睛過於乾燥而導致角膜爆擦，結果，可憐地被眼科醫生「下令」要我讓眼睛休息好一段日子才可以再次戴隱形眼鏡。 =(

在這次試用期間我特別在這方面做了一個小測試，結果證明，多次滴眼藥水也不會溶妝，讓我 100% 無懼熊貓眼。此外，看了 Clinique 的官方網頁介紹到這支 Mascara 是經眼科醫生測試，適合眼睛敏感人士適用，讓我對這產品更加有信心。

卸妝也很方便，只需以溫水清洗便可，連卸妝液的開支也可節省。$160一支既不需卸妝液也可卸妝又如此高質素的睫毛液實在是很讚的！在此推薦給各位朋友使用。


 
吸引處：  掃頭幼小容易使用，讓眼頭及眼尾的短小睫毛很容易就沾上液毛液，溫水卸妝，極為方便
產品官方網頁： http://www.clinique.com.hk/
售價： HKD $160
Colour： Black / Brown
售賣地點： Clinique 專櫃 --- 地址


　　　

GCE 放榜了！

千言萬語也解釋不到的百感交集..這刻的感覺真的很奇怪....
過去多年來的努力今天終於有成果了！
雖然 University of Exeter 同 University of Nottingham 都 confirm 左學位...
我真係好鍾意呢兩間 uni ...
但 CUHK world ranking 高 D，爸媽又想我留係香港調理好我那差到貼地既身體，
所以最後都決定左唔返英國....

我從來都很討厭適應新環境的感覺

將來三年會是怎麼樣的日子?

Who knows?
Anyways, I wish I will be able to cope with it...

本來沒打算報中大的，真的要多謝 Jo 在我打消報名念頭之後仍幫我將 reference send 去中大 ! :)
You are the best tutor I have ever had, JO!  xxx

   　　

告別美術學４年後．又一「杰」作

說起來，我跟畫筆說再見已經有 4 年多，曾經有陣子我超愛美術，亦曾經有一刻我討厭美術到極點，就是因為自我求高的性格，令我從中四開始每聽到 「Art」一字都立即掉頭走人.....(雖然那時我是修美術的)......

媽媽可說是一位無師自通的美術人，每年中秋節我所玩的燈籠都是媽媽親手做給我的，我說要 Little Twin Star 就有 Little Twin Star，要小丸子就有小丸子，要飛機就有飛機.....
姐姐天生已有媽媽遺傳的美術基因，只是到我出生時得到的優良基因實在太少，因姐姐已比我趕先從媽媽那裡分了一大杯羹！（不公平! 哈）

還記得有一次我因為自覺畫的畫不夠姐姐的好，於是躲在房裡哭，結果被爸媽發現了！那時我才得 6 歲（如果我沒記錯的話，我是為了她那幅「香蕉」畫而如此自卑）= =  可見我是多執著 + 無聊！哈哈  簡直白痴 !

從來也沒想過今天竟然要再度執筆，真真正正地用電腦繪圖都係第一次，全因May 姐所說的那份緣！本來面試暑期工不是這個ｐｏｓｔ的，最後竟然在機玄巧合下成了該公司的小冊子及宣傳單張的 designer....雖然是半個 volunteer，不是每份 project 都有酬金，不過．．．不多不少都有些得著吧..... : )